РЕЦЕПТ НА ДЕНОТ: Банана мафини со чоколадо

Откако се појавија првите рецепти за мафини кај готвачите на почетокот на седумдесеттите години на минатиот век, тие сè повеќе ги освојуваат срцата на гурманите. Својата популарност ја должат не само на нивниот совршен вкус, туку и на нивната лесна подготовка. Мафините се прават со мешање на состојките и нивно печење, па нема шанси да не успеат. Наместо стандардните, направете мафини без брашно и додаден шеќер и заменете ги со поздрави варијанти како банани, овес и бадемово млеко.

Потребно:

  • 2 големи банани
  • 1/2 чаша путер од кикирики
  • 2 јајца
  • 2 лажици јаворов сируп или мед
  • 2/3 чаша бадемово млеко
  • 1 лажичка екстракт од ванила
  • 2 чаши овесни снегулки
  • 1 лажичка прашок за печиво
  • 1 лажичка цимет
  • 1/4 лажичка сол
  • 80-100 гр чоколадни трошки

Подготовка: Во калапот за мафини ставете хартиени корпи и оставете го на страна. Во сад измешајте ги пасираните банани, путерот од кикирики, јајцата, јаворовиот сируп или медот, бадемовото млеко и ванилата. Добро измешајте, па додадете ги измиксираните овесни снегулки, прашокот за печиво, циметот и солта. Сè добро соединете. Во смесата додадете околу 50-60 гр чоколадни трошки. Нежно измешајте и истурете во калапи. Посипете ги преостанатите чоколадни трошки и печете во загреана рерна на 180°C околу 20-25 минути. Добар апетит!

ПОВРЗАНИ НАПИСИПОВЕЌЕ ОД АВТОРОТ