РЕЦЕПТ НА ДЕНОТ: Бананачинки за бебиња и деца

Палачинките ги сакаат и децата и возрасните, лесно се подготвуваат, а можете да ги направите со здрави состојки како банани и овесно брашно. Овој рецепт е погоден и за 8-месечни бебиња, но единствените работи на кои треба да внимавате се јајцата и јаткастите плодови, кои се потенцијални алергени.

Потребно:

  • 2-3 мали, зрели банани
  • 3 јајца
  • 150 гр брашно од бадем или овес
  • 1 лажица чиа семе – по желба

Подготовка: Изгмечете ги бананите со вилушка. Измиксирајте ги јајцата и бананите, можете да користите рачен стап миксер. Додадете брашно по желба и продолжете со мешањето додека не добиете изедначена смеса. Додадете чиа семе по желба и повеќе брашно ако смесата е премногу ретка. Печете ги палачинките во тавче на средна топлина, на кокосово масло или путер. По секоја палачинка намачкајте ја тавата со путер. Секоја палачинка е околу 2 лажици смеса. Распоредете ги на тавата со лажица, па превртете ги кога ќе престанат да се лепат. Направете ги палачинките помали, бидејќи ако ги размачкате на тавата и ги направите големи и тенки, ќе почнат да се одвојуваат. Добар апетит!

ПОВРЗАНИ НАПИСИПОВЕЌЕ ОД АВТОРОТ