РЕЦЕПТ НА ДЕНОТ: Брз колач со гриз

Доколку барате рецепт за вкусен и брз колач за кој не се потребни многу состојки или време, колачот со гриз е совршен избор. Овој едноставен десерт е мек, сочен и совршен со шолја кафе или чај. Готов е за половина час, доволен е еден сад, а не ви треба ни вага.

Потребно:

  • 3 јајца
  • 1 чаша шеќер (200 мл)
  • 1 чаша јогурт
  • 1/2 чаша масло
  • 1 чаша гриз
  • 1 чаша брашно
  • 1 прашок за печиво
  • Рендана кора од лимон или портокал (по избор)

За сирупот (може и без него):

  • 2 чаши вода
  • 1 чаша шеќер
  • Сок од еден лимон

Подготовка: Во еден сад изматете ги јајцата и шеќерот додека не станат пенасти. Додадете јогурт, масло и рендана кора од лимон или портокал и сè убаво измешајте. Во смесата постепено додавајте ги гризот, брашното и прашокот за печиво, мешајте додека не добиете хомогена смеса. Загрејте ја рерната на 180 °C. Смесата истурете ја во намрсен и набрашнет плех или калап (димензии приближно 20 x 30 см). Печете 25-30 минути, додека колачот не порумени. Додека колачот се пече, во тенџере сварете ја водата, шеќерот и сокот од лимон. Варете неколку минути додека шеќерот целосно не се растопи. Топлиот колач прелијте го со врелиот сируп. Оставете го колачот да се излади пред да го исечете. Добар апетит!

ПОВРЗАНИ НАПИСИПОВЕЌЕ ОД АВТОРОТ