Потребно:
- Готов пандишпан
За преливање:
- 150 мл млако млеко
- 1 лажица чоколадо во прав или какао
- 1 лажица рум
За кремот:
- 700 мл млеко
- 100 гр шеќер
- 4 лажици брашно
- 2 лажици густин
- 1 ванилин шеќер
- 50 гр шеќер во прав
- 250 гр маргарин или путер
И уште:
5-6 киви
Подготовка: Брашното, густинот, шеќерот, ванилиниот шеќер и 200 мл млеко убаво изматете ги. Преостанатото млеко ставете го да зоврие. Во зовриеното млеко, во тенок млаз додадете ја подготвената смеса и ,ешајте со рачна маталка. Откако ќе зоврие, варете уште неколку минути за да се згусне смесата. Оставете го кремот да се излади, а одозгора веднаш премачкајте со маргарин за да не се формира кора. Кога кремот ќе се излади, додадете го маргаринот претходно измешан со шеќерот во прав. Добро измешајте со миксер. Во посебно тенџере измешајте млако млеко, шеќер, чоколадо и рум додека не се раствори шеќерот. Со овој прелив премачкајте го пандишпанот, потоа распоредете го кремот, а врз него наредете ги кришките киви. Пред послужување оставете го колачот да се излади во фрижидер. Добар апетит!
