Потребно:
1.За сладоледот:
- 4 жолчки
- 150гр шеќер
- 250гр слатка павлака
- 250мл млеко
2.За карамелот:
- 20гр меки карамели
- 5 лажици слатка павлака
- 150-200гр кикирики
3.За ганажот:
- 200гр млечно чоколадо
- 50мл слатка павлака
Подготовка: 1. Во тенџере ставете го млекото, слатката павлака и шеќерот. Загрејте го на средна температура, внимавајќи да не искипе. Во друг сад со мискер изматете ги жолчките се додека не станат светли. Потоа додадете ги во тенџерето со млекото и павлаката, и вратете се заедно на оган. Варете со постојано мешање додека смесата не се згусне. Оставете го сладоледот да се олади на собна температура, а потоа префрлете го во сад кој ви одговара и ставете го во замрзнувач да се стегне околу еден час. Повремено промешувајте го сладоледот и израмнете му ја површината. 2. Карамелите ставете ги во мало тенџере на тивок оган. Кога ќе се стопат, додадете ја слатката павлака и мешајте додека се заедно убаво не се врза. Кога карамелот ќе се подолади, излијте го врз сладоледот. Бидете брзи, оти тој брзо ќе се стегне поради ладниот сладолед. Штом го излиете веднаш ставете ги кикириките. Оставете го сладоледот во фрижидер додека го подготвувате ганажот. 3. Во мало тенџере искршете ја чоколадата и додадете ја слатката павлака. Мешајте додека не се стопи и поврзе. Тргнете го од оган и мешајте малку да се олади, па излијте врз сладоледот. Оставете потоа, подготвениот сладолед убаво да се олади, а потоа уживајте во него.
