Потребно:
- 4 јајца
- 180 гр шеќер
- 130 мл млеко
- 50 мл масло
- 3 лажици какао
- 1 пакување колачиња од ванила
- 1 прашок за печиво
- 250 гр брашно
- 4 банани
За кремот:
- 1 пакување инстант пудинг од ванила
- 150 гр шлаг во прав
- 380 мл ладно млеко
Подготовка: Изматете ги јајцата и шеќерот додека не добиете кремаста конзистенција, а потоа додадете ги течните состојки и измешајте ги. Потоа додадете ги сувите состојки и повторно изматете. Истурете во плех обложен со хартија за печење. Се пече во рерна загреана на 150°, додека чепкалка за заби не излезе чиста. Извадете го од рерната и почекајте целосно да се излади. Во меѓувреме со миксер на голема брзина се матат состојките за кремот. Исечете ги бананите на тенки парчиња. Кога колачот ќе се олади, со лажица отстранете го површинскиот слој од пандишпанот иситнете го во блендер. Врз површината на преостанатиот пандишпан наредете ги бананите. Врз нив, од сите страни намачкајте со кремот, па одозгора посипете ги трошките од иситнетиот пандишпан. Израмнете со лажица. Покријте со најлонска фолија и оставете во фрижидер најмалку 4-5 часа или преку ноќ. Исечете и уживајте. Добар апетит!
