Потребно:
- 300 г мелено месо
- 1 тиквичка
- 3 главици кромид
- 150 г печурки
- Сол
- Црн пипер
- Црвен пипер
- Лук во прав или свеж
- Прстофат мајчина душица
- 350 г павлака за готвење
- 200 мл вода
- 1 лажица путер
Подготовка: Изрендајте ја тиквичката и ситно исечкајте еден кромид. Измешајте со мелено месо, додадете сол, бибер, лук и мајчина душица. Добро измешајте сè и формирајте помали ќофтиња. Загрејте малку путер во тава и лесно испржете ги ќофтињата од сите страни додека не добијат златно-кафеава боја. Извадете ги и оставете ги настрана. Во истата тава испржете го ситно исечканиот преостанат кромид, потоа додадете ги исечканите печурки. Крчкајте додека не омекнат и не испуштат сок. Додадете ја павлаката и водата, додадете сол и зачинете по вкус, потоа мешајте додека сè добро не се соедини. Вратете ги ќофтињата во сосот, покријте и гответе уште 15-20 минути на тивок оган додека сосот не се згусне и ќофтињата не се сварат. Добар апетит!
