Потребно:
- 125гр маргарин
- 250гр брашно
- 1 прашок за печиво
- 175гр шеќер
- 125гр суво грозје
- 100гр сечкани ореви
- Сок од еден портокал
- 2 јајца
- 350гр зрели банани
Подготовка: Во сад за мешање ставете го брашното, прашокот за печиво и исечканиот маргарин, па со прсти втријте ги во брашното за да добиете трошки. Потоа додадете го шеќерот, сувото грозје (претходно потопено во жешка вода за да омекне), сокот од портокал и ореви и се заедно убаво измешајте. Додадете ги посебно изматените јајца и изгмечените банани и мешајте додека сите состојки убаво не се соединат. Смесата ставете ја во правоаголен, долг калап со димензии приближно 30х21цм, обложен со хратија за печење. Колачот печете го во загреана рерна на 160 степени, околу 75 минути. Кога ќе биде готов, оставете колачот да се олади во калапот, а потоа извадете го за целосно да се олади. Добар апетит!
