Потребно:
- 3 јаболка
- 2 лажици путер
- 50 гр шеќер
- Цимет по вкус
- 1 лажица сок од лимон
За тестото:
- 2 јајца
- 1/4 лажичка сол
- 100 гр шеќер
- 100 гр путер
- 320 гр брашно
- 1 лажица прашок за печиво
Подготовка: Растопете 2 лажици путер во тава, додадете ги јаболката, 50 гр шеќер, цимет и сок од лимон. Крчкајте 5-7 минути додека јаболката не омекнат и течноста не испари. Оставете ги да се изладат. Во посебен сад, изматете ги јајцата, солта и 100 гр шеќер додека смесата не стане лесна и пенеста. Додадете го омекнатиот путер и мешајте. Постепено додавајте го брашното измешано со прашок за печиво, мешајќи додека не добиете меко, но нелепливо тесто. Додадете ги динствуваните јаболка и со рацете обликувајте мали топчиња или рамни колачиња. Наредете ги на плех обложен со хартија за печење. Печете во претходно загреана рерна на 180°C околу 12-15 минути, додека не добијат малку златна боја. Оставете да се изладат, а потоа по желба наросете со шеќер во прав. Добар апетит!
