Потребно:
- 500гр тиква
- 100гр морков
- 1 компир
- Малку масло
- ½ главица кромид
Подготовка: Тиквата се чисти од кората и од семките и се сече на коцки. Компирот, морковот и кромидот се лупа и се сечкаат. Се загрева маслото, се додава сечканиот кромид и се пропржува. Потоа се додава компирот и морковот. По пет минути се додава и тиквата. Сите состојки се варат во затворено тенџере, на тивок оган додека не омекне зеленчукот. Откако ќе бидат сварени, се процедуваат и со миксираат со рачен стап миксер, а со водата во која се варел зеленчукот се разредува супата до саканата густина.
СОВЕТ: Во вака подготвената крем супа за бебето, може да додадете и кисела павлака или лажица полномасен јогурт, но само ако бебето има полни 12 месеци.
