Потребно:
- 3 модри патлиџани
- 1 црвен кромид
- 1 млад кромид
- Една рака свеж магдонос
- 2 чешниња лук
- 1 лажица мајонез
- Сол и бибер по вкус
- Малку маслиново масло
Подготовка: Измијте ги модрите патлиџани, избоцкајте ги со вилушка и ставете ги во рерна да се печат околу 30 минути на 200°C, додека не омекнат целосно. Кога ќе се испечат, излупете ги и ситно исечкајте ги или згмечете ги со вилушка додека не добиете кремаста маса. Ситно исечкајте го црвениот и младиот кромид. Ситно исечкајте го магдоносот. Исечкајте го и лукот. Во сад измешајте го печениот модар патлиџан со кромид, лук, сечкан магдонос и лажица мајонез. Додадете сол, бибер и малку маслиново масло и добро измешајте. Оставете во фрижидер најмалку половина час за да се соединат вкусовите, а потоа послужете со леб или месо. Добар апетит!
