Потребно:
- 300 гр бисквити
- 600 мл млеко
- 2 пудинзи од ванила
- 5 лажици шеќер
- 100 гр путер
- 500 мл шлаг
- 100 гр јагоди
- 3 киви
- 1 голема банана
Подготовка: Во малку млеко измешајте ги пудингот и шеќерот, а остатокот од млекото ставете да зоврие. Кога млекото ќе зоврие, сварете го пудингот. Изладете го и додадете путер во изладениот пудинг. Изматете го шлагот и оставете го на страна. Наредете ја тортата така што ќе ставите ред бисквити, па крем, па исечкани банани, па изматена павлака. Потоа уште еден ред бисквити, крем, исечкано киви и шлаг и на крај последниот ред бисквити, крем, исечкани јагоди и шлаг. Добро изладете во фрижидер, декорирајте по желба и послужете. Добар апетит!
