Потребно:
- 500гр мелено месо
- 1 кромид
- 1 морков
- 1 чешне лук
- 300мл доматно пире
- 500гр јуфки
- 300мл павлака за готвење
- Оригано
- Сол
- Бибер
Подготовка: Кромидот исечкајте го на коцки и ставете го да се пропржи 5-7 минути. Додадете го изренданиот морков и меленото месо. Зачинете со сол, бибер и малку оригано. Оставете се заедно да се пржи околу 10 минути, а потоа додадете го доматното пире. Исклучете ја ринглата и оставете се заедно да соедини. Земете длабок сад за печење, намасете го и ставете половина од јуфките. Врз нив истурете половина од количината на павлаката за готвење.
Врз нив распоредете го испрженото месо, па остатокот од јуфките. Во преостаната павлака за готвење додадете 100мл вода и прелијте преку вториот слој на јуфки. Протресете го садот за да се распореди течноста насекаде. Со капак или со алуминиумска фолија затворете го садот за печење и ставете го јадењето да се пече во рерна на 200 степени околу 40-60 минути. По желба, кога јадењето ќе биде готово може да наросите рендан кашкавал.
