Потребно:
- 2 мали китки карфиол
- 1 мала брокула
- 5 јајца
- 1 кромид
- 1 морков
- 1 пиперка
- 1 лажичка италијански зачини
- 60 гр биено сирење или кашкавал
Подготовка: Карфиолот и брокулата исечкајте ги, па варете ги во посебни тенџериња. Процедете и оставете го зеленчукот да се излади. Потоа на малку масло во тава пропржете го ситно сечканиот кромид, а кога ќе омекне додадете ги ситно сечканиот морков и пиперка. Зачинете со сол и бибер, па пржете додека зеленчукот целосно не омекне. Карфиолот и брокулата изрендајте ги, па додадете ги јајцата (2 парчиња). Добро измешајте ја смесата. Смесата за мафини ставете ја во подмачкан калап, па притиснете надолу за да направите дупка на средината каде што ќе го ставите филот. Печете во загреана рерна на 180°C околу 15 минути. Полнењето за мафините се прави така што се варат јајцата (3 парчиња), потоа се сечкаат, а потоа се мешаат со пржениот зеленчук. Промешајте, па во смесата за полнење додадете го италијанскиот зачин. Со добиената смеса наполнете ги мафините, па посипете со рендано сирење или кашкавал. Печете уште 15 минути на 180°C. Добар апетит!
