Потребно:
- 300 гр брашно
- 1 лажичка прашок за печиво
- 1/2 лажичка сода бикарбона
- 1/4 лажичка сол
- 2 јајца, изматени
- 180 гр млеко
- 60 гр јогурт
- 80 мл масло
- 1 лажица сушен магдонос
- 1 чешне лук, изрендано
- 4 парчиња шунка, исечени на многу мали парчиња
- 125 гр кашкавал, исечкан на коцки
Подготовка: Загрејте ја рерната на 180 C. Подгответе калап за мафини така што малку ќе го намачкате со путер или ќе ставите хартиени корпи за мафини. Во сад убаво измешајте ги јајцата, млекото, јогуртот, маслото за јадење, магдоносот и ренданиот лук. Оставете го настрана. Во друг сад измешајте ги брашното, прашокот за печиво, содата бикарбона и солта. Истурете ги течните состојки во сувите состојки и измешајте го тестото со шпатула, не мора да биде мазно. Додадете ги коцките шунка и кашкавал и измешајте. Поделете го тестото во калапите за мафини. Печете на средната решетка околу 20 минути или додека мафините не поруменат. Извадете ги на решетка за ладење и премачкајте со путер. Добар апетит!
