Потребно:
- 160 гр ситно сечкан кромид
- 1 коцка од зеленчук
- 3/4 лажичка мелен црн пипер
- Прстофат сол
- 2 лажици масло
- 300 гр мелено месо
- 200 мл вода
- 900 гр излупени и тенко исечени компири
- 150 гр цветови од брокула
- Малку масло за подмачкување на тавата
За преливање на мусаката:
- 4 лажици пченкарно брашно
- 130 мл вода или млеко
- Прстофат сол
- 4-5 лажици крем за готвење
Подготовка: Во тенџере на 2 лажици масло и малку сол пропржете го кромидот, околу 4 минути. Додадете го меленото месо и здробената коцка зеленчук и убаво измешајте. Додадете вода и варете на средна до висока температура додека не испари целата вода. Тргнете го од шпорет, зачинете со бибер и оставете го на страна. Вклучете ја рерната на 190 степени.Измешајте ги состојките што треба за прелевање на мусаката и оставете ги на страна. Намачкајте го тавчето за печење и во него ставете половина од компирите покривајќи го целото дно. Помеѓу компирите ставете половина од цветовите брокула. Зачинете со сол. Земете го целото количество мелено месо и распоредете го преку површината на компирот. Сега додадете го остатокот од компирот и распоредете го по целата површина на меленото месо. Помеѓу компирите ставете ги останатите цветови брокула. Зачинете со малку сол. Со течната смеса прелијте ја мусаката. Печете 35 минути на 190 степени Целзиусови. Покријте со алуминиумска фолија и печете уште 10-15 минути на 210 степени. Послужете топло. Добар апетит!
