Потребно:
- 2 јајца
- 2 чаши ( од2 дл) рендани јаболка или моркови
- 1 чаша шеќер
- 1 чаша гриз
- 1 чаша мелени ореви, лешници или бадеми
- 1 чаша млеко
- 1/2 чаша масло
- 1 лажица какао
- 1 кесичка прашок за печиво
За глазурата:
- 100 гр чоколадо
- 70 гр путер
Подготовка: Јајцата убаво изматете ги со шеќерот. Додадете млеко, масло и какао и сè убаво измешајте. Потоа додадете јаболка, ореви, гриз, прашок за печиво и сè пополека измешајте за да се соединат состојките. Добиената смеса истурете ја во подготвениот калап и печете на 180 степени. Топлиот колач прелијте го со глазура од путер и чоколадо, растопени на пареа. Исечете и послужете ладно. Добар апетит!
