Потребно:
- 2 готови плескавици
- 100гр кашкавал (листови)
- 200гр кисела павлака
- 200мл млеко или јогурт
- 2 тиквици
- 1 морков
- 3 јајца
- Масло
- Сол
- Малку презла и брашно
Подготовка: Тиквиците излупете ги и исечете ги на подебели листови и посолете ги. Оставете да отстојат 20 минути, па исцедете ја течноста. Похувајте ги во брашно, јајце и презла и испржете ги. Во јајцата кои ви останале додадете уште едно јајце, павлаката и млекото или јогуртот. Измешајте убаво. Тавчето во кое ќе ја печете муската намастете го, на дното ставете ред тиквици, па премачкајте со смесата од павлака и јајца. Ставете една плескавица, па кашкавал и тиквици. Потоа премачкајте пак со павлаката, па повторно ред плескавица, па тиквици. Завршете со тиквици и прелијте со павлака смесата. Печете на 200 степени околу еден час.
