Потребно:
- 1кг млад компир
- 3-4 ‘рдокви
- 100гр спанаќ
- 3 парчиња млад кромид
- 100гр пропржена сланина
За прелив:
- 3 лажици сок од лимон
- 4 лажици маслиново масло
- 1 лажичка сенф
- Сол, бибер и зачини по желба
Подготовка: Компирите убаво измијте ги и исчекајте ги како ви е желба. Наредете ги на хартија за печење и ставете ги во тавче. Прелијте ги со малку маслиново масло и сол. Ставете ги да се печат во претходно загрена рерна на 220 степени околу 35-40 минути. Оставете ги да се оладат. Младиот кромид и ‘рдоквите исечкајте ги, а сланината исечена на ленти кусо пропржете ја, или ставете ја на скара. За преливот, едноставно измешјате ги сите состојки и додадете зачини по желба. Во поголем сад, префрлете ги оладените компири, додадете го останатиот зеленчук и спанаќот кој претходно сте го измиле, сланината и се заедно убаво измешајте. Со преливот зачинете ја оваа оброк салата.
