Потребно:
- 200 гр пилешко филе
- 100 гр суви сливи
- 2 јајца
- 80 гр кашкавал
- 100 гр ореви
- 100 гр свежа краставица
- 150 гр мајонез
- Сол, по вкус
Подготовка: Прво, варете го пилешкото филе околу 30 минути. Оставете да се излади. Јајцата тврдо сварете ги, 10 минути по варењето, изладете ги и излупете ги. Исечкајте ги на коцки со средна големина. Исплакнете ги сливите, исушете ги со салфетки и исечете ги на ленти. Изрендајте го и кашкавалот. Измијте ги свежите краставици и исечете ги на ленти. Изладеното пилешко филе исечкајте го на коцки. Наредете ја салатата во слоеви, премачкувајќи го секој слој со мајонез. Првиот слој е пилешко, кое го премачкувате со мајонез и редите суви сливи. Третиот слој се краставици. Овој слој треба да се премачка со мајонез и малку да се посоли. Четвртиот слој се сечканите јајца, а во овој слој посолете уште малку и покријте го со мајонез. Петтиот слој е рендан кашкавал. Сомелете ги оревите на начин кој вам ви одговара и посипете ги врз салатата. Оставете го да отстои 20-30 минути во фрижидер, па послужете. Добар апетит!
