Потребно:
- 3 парчиња пилешко филе
- 4 парчиња сланина
- 4 лажици несолен путер
- 2 моркова
- 2 стапчиња целер
- 1 кромид
- 6 чешниња лук
- 1/4 лажичка куркума
- 1 лажичка мајчина душица
- 1 лажичка рузмарин
- 1/2 чаша бело вино
- 100 гр брашно
- 450 мл бујон
- 200 мл млеко
- 200 гр грашок
И уште:
- 500 гр лиснато тесто
- 1 јајце
- 1 лажица вода
Подготовка: Пилешкото месо малку исчукајте го со чекан за месо, па посолете, додадете црн пипер и прелијте ги со маслиново масло. Добро втријте ги состојките, па наредете ги во тавче обложено со хартија за печење. Печете ги во рерна на 180°C околу 20 минути. Во тавата сипете малку масло и растопете го путерот. Потоа додадете сечкана сланина, кромид, морков и целер (претходно исчистени). Кога зеленчукот ќе омекне, додадете го исечканиот лук. По една минута додадете ги сите зачини и измешајте, па додадете го брашното. Се заедно убаво измешајте, па сипете ги бујонот и млекото. Гответе 5 минути, па додадете го грашокот. Измешајте и гответе уште 10 минути. Додадете го исецканото месо во филот и пак измешајте. Истурете го филот во тавата, па одозгора наредете го лиснатото тесто што сте го одмрзнале и исечкале на коцки или ленти. Наредете преку филот да биде целосно покриен. Намачкајте со изматено јајце и вода, па печете во загреана рерна на 200°C околу половина час. Добар апетит!
