Потребно:
- 3 тиквички
- 2 чешниња лук
- 1 пакетче лиснато тесто
- 175 г крем сирење
- 1 јајце
- 10–12 чери домати
- Пармезан по вкус
- Сол и бибер
- Маслиново масло
Подготовка: Измијте ги и изрендајте ги тиквичките на грубо ренде. Посипете ги со прстофат сол и оставете ги да пуштат вода 5 минути, а потоа добро исцедете ги. Ситно исечкајте го лукот. Во сад измешајте го крем сирењето и јајцето. Додадете ги тиквичките, лукот, солта, биберот и малку рендан пармезан. Добро измешајте. Развлечете го лиснатото тесто во плех обложен со хартија за печење. Рамномерно распоредете го филот врз тестото. Исечете ги чери доматите на половина и наредете ги по површината. По желба, наросете уште малку пармезан. Печете 25-30 минути во рерна загреана на 200°C, додека питата не добие златно-кафеава боја и тестото не стане крцкаво. Оставете ја питата да се олади 5 минути пред да ја исечете. Сервирајте топла или млака. Добар апетит!
