Потребно:
- 2 големи долгнавести тиквички
- 200 гр мелено говедско или пилешко
- 1 помал црвен кромид, ситно сечкан
- 2 чешниња лук, ситно сечкани
- 1 домат, исечен на коцки
- 50 гр рендан кашкавал(гауда, чедар, пармезан)
- 1 лажица маслиново масло
- Сол и црн пипер по вкус
- 1 лажичка оригано или зачини по избор
Подготовка: Тиквичките измијте ги, исечете ги на половина по должина и со лажица извадете ја средината, оставајќи доволно месо до кората. Издлабениот дел исечкајте го на ситни парчиња и зачувајте го. Загрејте маслиново масло во тава на средна топлина. Додадете ситно сечкан кромид и лук и пржете додека не станат меки и проѕирни. Додадете го меленото месо и пржете додека не порумени и целосно не се испржи. Додадете го исечканиот издлабен дел од тиквичките и доматите исечкани на коцки. Пржете додека зеленчукот не омекне. Зачинете со сол, бибер и зачини. Загрејте ја рерната на 200 °C. Во сад за печење наредете ги издлабените половини од тиквичките. Наполнете ги со подготвениот фил од месо и зеленчук. Одозгора посипете рендан кашкавал. Печете околу 20-25 минути или додека не омекнат тиквичките, а кашкавалот не порумени. Добар апетит!
