Потребно:
- 3 пиперки
- 4 компири
- 1 кромид
- 1 модар патлиџан
- 5 чешниња лук
- Путер
- 150 мл млеко
- 1 китка копар
- 100 гр сирење
Подготовка: Исечете ги пиперките на половина по должина, а потоа извадете ги семките. Потоа излупете ги и исечете ги компирите, па сварете ги. На малку масло во тавче пропржете го ситно исечканиот кромид, па додадете го модриот патлиџан исечкан на коцки. Се прелива со малку маслиново масло, па се додава ситно сечканиот лук и се меша. Компирите процедете ги, па додајте путер и убаво изгмечете. Потоа истурете го врелото млеко и убаво измешајте да се соединат состојките. Додадете го сечканиот копар и измешајте, а потоа додадете го пржениот зеленчук и сè убаво измешајте. Наполнете ги пиперките, наредете ги во плех и печете ги во загреана рерна на 200°C околу 25 минути. После тоа, посипете со рендано сирење и печете уште 10 минути. Добар апетит!
