Потребно:
- Неколку јаболки
- 130 гр путер
- 4 јајца
- 8 лажици брашно
- 8 лажици шеќер
- 1 чаша масло
- 1 чаша млеко
- 1 прашок за печиво
- 500 мл павлака за шлаг
Подготовка: Излупете ги јаболката, исечете ги на кругови и наредете ги во тавче во кое претходно сте го стопиле путерот. Ставете го во рерна неколку минути за да омекнат јаболката. Од останатите состојки изматете ја смесата за тестото и прелијте ја смесата врз омекнатите јаболка, вратете во рерна и печете отприлика 20 минути на 180 степени. Додека колачот се пече, убаво изматете ја павлаката за шлаг. Печениот колач извадете го од тавчето и свртете го на другата страна, така да тестото биде одоздола, а јаболката одозгора Врз изладениот колач распоредете го шлагот, а потоа ставете го десертот во фрижидер малку да се стегне. Добар апетит!
