Потребно ( за 4 лица):
- 70гр шунка (исечена на кругови)
- 250гр грашок (замрзнат или свеж)
- 1 гранка целер
- 2 лажици ситно исечкан свеж магдонос
- 125мл вода
- 750мл пилешки бујон ( со помалку сол)
- 1 лажица масиново масло
- 60гр путер
- 1 кромид (ситно исечкан)
- 2 големи шолји ориз – 440гр (може да одеберете и посебен за рижото)
- 35гр пармезан (за декорација)
Подготовка: Загрејте го маслото во тавче, додадете го целерот ситно исечкан и магдоносот и зачинете по желба. Динствувајте на умерена топлина неколку минути додека целерот не омекне. Потоа додадете ја шунката која претходно сте ја исечкале како ленти и гответе уште 1-2 минути со постојано мешање. Додадете го грашокот и половина од водата и оставете да зоврие. Потоа, намалете ја температурата и оставете непокриено да вире на тивко додека течноста не испари. Во посебен сад ставете го бујонот и оставете да врие на тивок оган. Загрејте го путерот во повисока тава за динствување. Додадете го кромидот и мешајте додека не омекне, па додадете го оризот. Добро измешајте. Додадете ја преостаната вода и оставете да зоврие и да се готви додека водата не испари. Во рижотото додавајте по половина жежок бујон и мешајте по потреба. Мешајте додека бујонот не испари. Постапката повторувајте ја се додека не испари целата количина на бујон и оризот не стане мек и кремаст (може да трае 20-25 минути). По тоа, на оризот додадете му ја мешавината со грашок и веднаш послужете. Пред сервирање, наросете со малку пармезан (по желба).
