Потребно:
- 200 гр ориз арборио
- 1 средна тиквичка (рендана)
- 1 лимон (кора и сок)
- 1 мал кромид (ситно исечкан)
- 700 мл зеленчуков бујон
- 1 лажица путер
- 2 лажици рендан пармезан
- Маслиново масло, сол и бибер
Подготовка: Пржете го кромидот во малку маслиново масло додека не омекне. Додадете го оризот и пржете една минута, мешајќи. Постепено додавајте го бујонот, мешајќи додека оризот не ја впие течноста. Повторувајте додека не се потроши целата количина на бујон. По 10 минути, додадете ги ренданите тиквички. Продолжете со готвењето уште 5-7 минути додека оризот не омекне. На крај, додадете ја кората и сокот од лимон, путерот и пармезанот. Промешајте и сервирајте. Добар апетит!
