Потребно:
- 250гр тестенини по избор
- 400гр пилешко бело месо
- 2 раце спанаќ
- 2 свежи пиперки
- 5 шери домати
- Малку виолетова зелка
- 10 маслинки без семки
- 50гр сирење горгонзола
- Маслиново масло
- Сенф
- Оцет
- Сушени зачини по желба
Подготовка: Пилешкото месо маринирајте го во маслиново масло со сушени зачини што ги сакате. Оставете да отстои во маринадата најмалку 30 минути и пропржете го на грил тава. Печеното пилешко не го сечете веднаш, оставете го 15 минути на страна за да може да ги впие сите сокови, додека не се олади. Во солена вода сварете ги тестенините. Исцедете ги и кога целосно ќе се оладат ставете ги во поголем сад. Додадете го исчистениот и измиен спанаќ, исечканите пиперки и доматите, на ленти исечканата зелка, маслините, сирењето и исеченото пилешко месо. Подгответе го преливот од маслиното масло, сенф, оцет и зачините што ги сакате. Прелијте врз салатата и убаво се измешајте. Ставете ја во фрижидер на најмалку еден час. Добар апетит!
