Потребно:
- 450 гр зрели сливи без семка
- 250 мл слатка павлака
- 400 мл засладено кондензирано млеко
- 1 лажица сок од лимон
Подготовка: Најпрво измиксирајте ги сливите со миксер додека смесата не стане мазна и лушпата повеќе не се гледа. Во тенџере ставете го пирето од сливи и варете 5 минути на средна температура додека не ја промени бојата и малку се згусне. Продолжете да мешате често. Тргнете од оган и оставете да се излади. Истурете ја слатката павлака во поголем сад. Матете додека не се стегне. Додадете ги варените сливи, кондензираното млеко и сокот од лимон. Добро измешајте со шпатула. Префрлете го сладоледот во сад од 1,5 литри. Потоа покријте го со проѕирна фолија, но така да ја допира површината на сладоледот. Се лади најмалку четири часа во замрзнувач. Извадете го сладоледот 10 минути пред послужување. Добар апетит!
