Потребно:
- 1 јајце
- 100 мл топло млеко
- 1 лажица сув квасец
- 1 лажица шеќер (за активирање на квасецот)
- 330 гр брашно
- 1/2 лажичка сол
- 125 гр јогурт
- 2 лажици шеќер
- 1 кесичка ванилин шеќер
- 40 гр путер (омекнат)
За премачкување и декорација:
- Џем од кајсии
- Мелени лешници или ореви
Подготовка: Во загреаното млеко додадете една лажица шеќер и сувиот квасец. Оставете да нарасне 10 минути. Во поголем сад додадете го нараснатиот квасец, јајцето, јогуртот, путерот, шеќерот, ванилиниот шеќер и солта. Постепено додавајте од брашно и замесете меко, еластично тесто. Покријте и оставете да нарасне 1 час. Кога тестото ќе се удвои во волумен, поделете го на еднакви топчиња. Наредете ги во подмачкан плех или калап за да добијат облик на цвет. Покријте и оставете ги да одморат уште 15-20 минути. Се пече во загреана рерна на 180 °C околу 25-30 минути, додека не порумени. Сè уште топлата погача премачкајте ја со џемот од кајсии и посипете со мелени лешници или ореви. Добар апетит!
