Потребно:
- 1,5 кг зелка
- 5 парчиња пилешко филе
- 1,5 глави црвен кромид
- 2 моркови
- 3 компири
- 200 гр пелати
- Мешавина од суви зачини
- 1 лажица слатка пиперка
- По една лажица суво оригано и магдонос
- Масло, сол и бибер по вкус
Подготовка: Во тенџерето ставете малку масло. Пред тоа исчистете ја зелката и исечкајте ја на парчиња, па наредете ја во тенџерето. Морковот исечкајте го на кругови и ставете го меѓу зелката, како и ситно исечканиот кромид. Посипете со оригано и магдонос. Покријте ја зелката со малку вода. Гответе половина час и повремено додавајте вода. Кога ќе помине половина час додадете ги компирите кои сте ги исечкале на четвртинки, како и пилешкото филе исечено на коцки. Додадете ја смесата од суви зачини, слатката пиперка, бибер и сол и варете уште половина час. Пред крајот на готвењето додадете ги пелатите, сувото оригано и магдоносот и варете додека не се свари зелката. Послужете и уживајте. Добар апетит!
