Потребно:
- Тортиља тесто од бело или од интегрално брашно
- 1кг пилешки гради
- Главица кромид
- Сос од домати (домашен или готов)
- Павлака за готвење
- Зеленчук по желба (тиквичка, зелена салата, пиперка, морков,…)
- Зачини (бибер, буковец…)
- Намаз од сирење
Подготовка: Исечете ги пилешките гради на ситни коцки, зачинете ги и динствувајте ги со кромидот и вода. Кога месото ќе биде готово, додадете исечкана пиперка, пченка или некој друг зеленчук по желба и понатаму динствувајте. Во пилешкото и зеленчукот додадете го сосот од домати и малку павлака за готвење и оставете се заедно да се готви околу 30 минути. Се вкупно, месото, зеленчукот и останатите наброени намирници треба да се готват околу еден час. Тортиљата загрејте ја во тавче или во микробранова печка и премачкајте ја со намазот од сирење. На тестото ставете зелена салата, спанаќ, рукола или друг свеж зелен лиснат зеленчук по желба, и врз тоа додадете ја смесата од месо и зеленчук. Замотајте ја тортиљата и уживајте во јадењето!
