Потребно:
- 400гр тестенини
- Сол
- 4 лажици маслиново масло
- 300гр шампињони
- Малку брашно за наросување
- 600мл млеко
- 1 лажица сув зачин
- 1 лажица сенф
- Црн бибер
- 200гр кашкавал
- 4 лажици пармезан
Подготовка: Тестенините сварете ги во солена вода и исцеете ги. Ставете ги во намастен огноотпорен сад. На маслиновото масло кусо продинствувајте ги печурките. Наросете малку брашно врз нив и измешајте. Полека додавајте го млекото со мешање, и оставете да се вари околу пет минути. Во сосот додадете го сувиот зачин, сенфот, солта, црниот бибер и изренданиот кашкавал. Се заедно нека се готви додека сосот не се згусне. Прелијте ги тестенините со сосот, ставете го одозгора пармезанот и ставете да се пече во загреана рерна додека да се запече, околу 15 минути. Добар апетит!
