Бројот на деца примени како итни случаи откако проголтале мали литиумски батерии, познати и како копчести батерии, е зголемен повеќе од двојно во изминатата деценија, покажа новото истражување.
Извештајот објавен во списанието „Pediatrics“ покажал дека меѓу 2010 и 2019 година, повеќе од 70.000 деца посетиле Ургентен центар поради повреди предизвикани од голтање или ставање на вакви мали батерии во облик на копче во устата, носот или ушите.
Истражувачите од „Nationwide Children’s Hospital“ и непрофитната организација „Safe Kids Worldwide“, исто така, откриле дека на секои 75 минути, едно дете помладо од 18 години во САД го посетило Ургентниот центар поради повреда поврзана со батерии во изминатата деценија.
Ако детето проголтало копчеста батерија, некои од симптомите може да изгледаат како настинка, како што се треска, болки во грлото или отежнато дишење. Во случај детето да проголта батерија, „Nationwide Children’s Hospital“ препорачува да му давате на дете од 12 месеци или постаро две лажички мед на секои 10 минути додека да го однесете на ургентно, пишува „The Independent“
Меѓу случаите каде што бил познат типот на батеријата, копчестите батерии учествувале со 85 проценти од повредите
Копчестите батерии и понатаму претставуваат голема опасност која може да предизвика сериозни, па дури и опасни по живот повреди доколку се проголтаат“, рече д-р Гери А. Смит, коавтор на студијата и професор по педијатрија на Државниот универзитет во Охајо.
Овие мали, тркалезни и сјајни батерии се користат за напојување на голем број мали електронски уреди кои се наоѓаат во домовите, вклучувајќи далечински управувачи, играчки, часовници, слушни помагала и светилки. Копчестите батерии, кои често лесно може да се извадат од уредот, претставуваат сериозен ризик при голтање бидејќи може да предизвикаат тешки, опасни по живот, па дури и фатални повреди на хранопроводникот на детето. Според студијата, 12 проценти од изложеност на батерии резултирале со итна хоспитализација.
„За жал, досегашните напори за превенција допрва треба да резултираат со значително намалување на стапките на повреди“, рече Марк Чендлер, водечки автор на студијата и виш научен соработник во „Safe Kids Worldwide“. „Потребни се регулаторни напори и зголемена јавна свест за опасностите. Сè додека индустријата не усвои сигурни дизајни на одделите за батерии и на крајот побезбедна технологија за копчести батерии, овие повреди кај децата ќе продолжат да се случуваат“.
Нови насоки за производителите и предупредувања за родителите
Во 2017 година, Комисијата за безбедност на производи за потрошувачи одобри нови упатства и стандарди за тестирање за уредите на батерии. На почетокот на овој месец, Конгресот едногласно го усвои „Законот на Рис“, кој бара од производителите да вклучат предупредувачка етикета која ги упатува потрошувачите да ги чуваат батериите подалеку од дофат на деца.
По новото истражување, „Safe Kids Worldwide“ издаде неколку препораки за родителите и старателите за да помогнат во намалувањето на повредите предизвикани од батериите. Лицата за безбедност ги предупредија родителите да ги чуваат уредите со мали батерии подалеку од видното поле и дофат на децата, особено оние на возраст од пет години и помлади. Родителите, исто така, треба да проверат дали батеријата е безбедно поставена во преградата за батерии на уредот и затворена со завртка за да им биде тешко на децата да пристапат до неа.
Ако детето проголтало копчеста батерија, некои од симптомите може да изгледаат како настинка, како што се треска, болки во грлото или отежнато дишење. Во случај детето да проголта батерија, „Nationwide Children’s Hospital“ препорачува да му давате на дете од 12 месеци или постаро две лажички мед на секои 10 минути додека да го однесете на ургентно, пишува „The Independent“.
