Ако го прашате било кој родител дали некое дете му е подраго од другото, секако дека ќе каже дека не прави разлика и дека секое дете му е еднакво драго. Но, како децата растата и самите понекогаш гледаат дека родителите се често попустливи (или построги) кон едното дете, за разлика од другото.
Сега и науката потврдува дека родителите често се поблаги кон најмладото дете, многу повеќе отколку што биле кон нивните постари браќа или сестри.
Анкетата што ја споровела една агенција барала од група на родители и баби и дедовци да кажат дали имаат фаворит меѓу децата. Од 1.185 родители и 1.111 баби и дедовци кои одговориле, 23 проценти од родителите и 42 проценти од бабите и дедовците, признале дека имаат омилено дете. Но, иако 56 проценти од родителите рекле дека омилено им е најмалото дете, 40 проценти од бабите и дедовците ги преферирале постарите внучиња.
Половина од испитаните сметале дека “да се има омилено дете е лошо и потенцијално штетно за браќата и сестрите“. Исти резултати се појавиле и во останатите неколку истражувања.
Оваа студија открила дека 70 проценти од татковците и 74 проценти од мајките признаваат дека покажуваат оти имаат фаворит, но помалите деца најчести не се чувствуваат најмногу сакани. Една друга студија од 2005 година открила дека постарите деца најчесто се чувствуваат како омилени (иако тоа можеби не е вистина), а помладите деца се чувствуваат како нивните родители да се понаклонети кон постарите браќа или сестри.
Но, студија пак од минатата година открила дека помладите деца кои чувствуваат дека нивните родители имаат фаворит, многу повеќе ја чувствуваат таа разлика (било да тие се омилени или спротивно), додека постарите деца не почувствувале разлика на својот однос со родителите.
Според проф. Алекс Јенсен, важен е и начинот на кој се покажува кој е фаворит.
“Додека родителите повеќе покажуваат љубов и даваат поголема поддршка и доследност во однос на своите деца, не е важно кој им е омилен… треба кон нив да се однесуваат праведно, но не и еднакво“, вели тој.
