Родителите велат дека сите свои деца ги сакаат подеднакво и не сакаат да признаат дека имаат галениче, но една студија покажала дека сепак тоа не е вистина.
„Точно е дека родителите имаат галениче меѓу децата и на тоа влијаат повеќе фактори. Децата не се исти, се раѓаат во различни животни околности, па родителите афективно развиваат со оглед на околностите и различни односи„, велат психотерапевтите.
Според нив, се зависи од моментот во кој детето е родено, може да зависи од полот, на кого личи и како се однесува, потоа некои деца се поактивни или помирни. Низа причини, но родителите реагираат на сето тоа и не случајно се вели дека некое им е галениче. Стручњаците истакнуваат дека не е добро да се покажува разликата пред децата и дека родителите често одат во друга крајност, односно повеќе љубов му пружаат на детето кое не им е галениче, за да не почувствува било каков недостаток.
“Родителите пред сите свои деца – ако имаат две, три или повеќе, не е добро да покажуваат разлика. Родителите главно се свесни за тоа и кријат кое им е галениче„, велат психотерапевтите.
Тие сметаат дека децата речиси секогаш секојднвено меѓусебно се љубоморни. На пример, постарите на помладите, бидејќи им го „украле„ вниманието, па подоцна тоа може да прави работи кои постарото дете не смеело да ги прави на негова возраст и слично.
„Секогаш се мери родителската љубов и секое дете има аргументи дека другото подобро поминува„, велат експертите, при тоа напоменувајќи дека е проблем кога родителите прават голема разлика меѓу децата и кога тоа не е само фантазија на децата, туку порака до помалку саканото дете дека не вреди. „Тоа остава трауми„, додаваат тие.
Студија објавена во The Science of Us, спроведена меѓу 384 деца, браќа и сестри, и нивните родители, открила дека мајките и татковците имаат свое галениче. Дури 70% татковци и 74% мајки, во тајност одговориле дека се поприврзани за едното дете. Се покажало дека галеничиња биле оние деца кои во детството биле болежливи или подобри ученици. Првородените или најмалите деца исто така се во подобра позиција, како и малите деца кои се најчувствителни и најмалку проблематични.
