Емоционалната интелигенција е мерило на нашата способност да ги контролираме сопствените емоции, да ги разбереме емоциите на другите и да се справиме со социјалните односи на соодветен начин. Тоа е вид на интелигенција што прави добар преговарач, сочувствителен пријател и љубезен колега. Секој човек кој има висока емоционална интелигенција делува весело и благотворно на група луѓе…
Новороденчињата и децата сè уште не ја достигнале фазата во која емоционалната интелигенција е високо развиена, но однесувањето на нивните родители кон нив може да им помогне да ги изградат темелите за идните вештини во оваа област.
Постојат одредени знаци кои јасно покажуваат дека детето веќе има развиено емоционална интелигенција, психологот Лиза Фајрстоун ги дели во 4 групи:
Плачење
Дете кое не се двоуми да плаче пред родителите или пред другите луѓе, не се плаши да ги изрази своите емоции, што е еден од главните знаци на емоционалната интелигенција.
Емпатија
Емоционално интелигентните деца имаат способност да сочувствуваат со другите или да ги препознаат нивните чувства.
Отворен однос со родителите
Дете кое зборува за своите проблеми, емоции и работи кои го мачат има развиена емоционална интелигенција.
Високо ниво на љубопитност
Дете со развиена емоционална интелигенција е отворено и заинтересирано за работите што се случуваат околу него.
