Деветгодишно момче кое се заразило со коронавирус, не го пренело вирусот на ниту едно лице со кое било во контакт, а контактактирало со повеќе од 170 луѓе, покажало истражувањето кое проучува дали децата можат да го шират вирусот.
Момчето е меѓу луѓето кои се заразени во кластерот на претприемачот Стив Волш, првиот Британец позитивен на Ковид-19, кој пак се заразил за време на состанок во Сингапур. Потоа заедно со уште десет Британци отишол во францускиот скијачки центар Contamines-Montjoie, по што одлетал за Лондон.
Истражувањето објавено во Clinical Infectious Diseases покажало дека кај момчето бил откриен коронавирус, но и грип и настинка. Ги заразил своите браќа со грип, но не и со коронавирусот, пишува „Гардијан“
Повеќето од гостите во францускиот скијачки центар биле заразени, но истрагата на француските јавно-здравствени власти покажала дека деветгодишникот, кој го добил вирусот на никого не ја пренел инфекцијата, иако бил во контакт со најмалку 172 лица.
Момчето покажало респираторни симптоми, како и неговите родители, но кај нив инфекцијата не била потврдена.
Истражувањето објавено во Clinical Infectious Diseases покажало дека кај момчето бил откриен коронавирус, но и грип и настинка. Ги заразил своите браќа со грип, но не и со коронавирусот, пишува „Гардијан“.
„Момчето, кое имало и симптоми на други респираторни заболувања, посетило три ски-школи, но не учествувало во трансмисија на вирусот. Се чини дека тоа сведочи за потенцијално поинаква динамика на ширење на заразата кај децата“, изјави францускиот епидемиолог Костас Данис.
Деветгодишното момче имало само благи симптоми и, кога било тестирано, биле откриени само траги од вирусот, за што научниците веруваат дека е одговорот на прашањето зошто не го пренел вирусот на сите свои контакти. Или барем на некои од нив.
Истражувачите веруваат дека бидејќи децата обично имаат само благи симптоми, тие можат да го пренесат вирусот далеку помалку од заразените возрасни лица. „Децата можеби и не се важен извор на пренесување на овој новооткриен вирус“, напишаа тие. (Гардијан)
