Некои деца денеска се раѓаат без умници, а се повеќе луѓе имаат и дополнителна артерија на подлактицата, што укажува на тоа дека човештвото во моментов минува низ „микроеволуција“, покажало новото истражување, пренесува британски „Independent“.
Научниците во Австралија откриле кај луѓето неколку промени што почнале да се случуваат во кратки временски интервали
Докторката Теган Лукас од Универзитетот во Аделаид исто така вели и дека лицата стануваат се пократки поради промените во нашата исхрана, а помалата вилица значи дека во неа има помалку простор за заби.
„Сето тоа се случува затоа што со текот на времето сме научиле да користиме оган и да ја преработуваме храната. Сега се повеќе луѓе се раѓаат без умници“, вели таа.
Тимот на научници исто така открил дека се повеќе луѓе се раѓаат со дополнителни коски во нозете и рацете, како и пократки лица и абнормални врски на две или повеќе коски во стапалата.
„Сето тоа се случува затоа што со текот на времето сме научиле да користиме оган и да ја преработуваме храната. Сега се повеќе луѓе се раѓаат без умници“, вели д-р Теган Лукас
Покрај тоа, истражувањето на д-р Лукас и колегите професори Макиеј Хенеберг и Џали Кумаратилајк покажало „значително зголемување“ на преваленцата на медијалната артерија од крајот на 19 век.
Оваа артерија се формира за време на развојот на фетусот во матката и е главниот сад што ги снабдува со крв рацете и подлактиците, но оваа артерија исчезнува за време на бременоста, а нејзината улога ја преземаат радијалната и улнарната артерија.
„Од 18 век, анатомијата ја проучува преваленцата на оваа артерија кај возрасните лица, а нашата студија јасно покажува дека бројот на луѓе со оваа артерија се зголемува“, вели д-р Лукас.
„Распространетоста на оваа вена била околу 10 проценти кај луѓето родени во средината на 18 век, а сега е 30 проценти кај луѓето родени во средината на 20 век, што е значително зголемување кога станува збор за еволуцијата“.
Зголемувањето, сметаат научниците, се должи на мутации на гените вклучени во развојот на медијалната артерија, здравствените проблеми на мајките за време на бременоста или и двете.
„Ако овој тренд продолжи, до 2100 година повеќето луѓе ќе имаат медијална артерија“, вели д-р Лукас.
Оваа студија, нагласуваат научниците, покажува дека луѓето се развиваат далеку побрзо отколку во кој било друг период во последните 250 години. Тие веруваат дека главната причина за оваа мини-еволуција се промените во природната селекција.
Истражувањето е објавено во часописот „Journal of Anatomy“.
