Течење на носот е многу честа појава кај деца под пет години. Причината за тоа е што течењето на носот е чест симптом кој се јавува при настинки, алергии, грип, вируси… Она што е корисно да го знаете е дека бојата и изгледот на секретот од нос кај детето може да открие многу за неговото моменталната здравствена состојба.
Кога секретот е проѕирен, детето не кашла, нема температура или други придружни симптоми, доволно е да се одржува добра назална хигиена. Можете да го исчистите носот на детето со физиолошки раствор, да го навлажнувате воздухот и да му помогнете на детето да се одмори така што ќе го ставите да спие во полуисправена положба.
Упорниот секрет кој е густ, придружен со кашлица или треска, најверојатно укажува на инфекција. Во овој случај, неопходно е да се консултирате со лекар, особено ако овие симптоми се придружени со болка во увото, висока температура, тешкотии со дишењето – во овој случај, одете на лекар без одлагање.
Проѕирниот секрет од нос придружен со кивање, чешање во очите и носот најчесто е показател за алергиски ринитис.
Различни бои на секрет
Проѕирниот секрет од носот обично е знак дека детето е во добра здравствена состојба, и дека тоа е само актуелен проблем, како што е алергискиот ринитис.
Бел или жолт исцедок од носот може да укаже на вирусна инфекција како настинка.
Зелениот секрет од носот најчесто е знак за бактериска инфекција, што значи дека ќе биде неопходен и третман, па затоа најдобро е да се консултирате со лекар.
Кафеав или црвен исцедок може да укажува на присуство на крв, чија причина може да биде сосема безопасна, како сувост и мала рана во носот, но може да укажува и на нешто посериозно. Во секој случај, најдобро е да се консултирате со лекар.
Исто така, доколку детето често има настинки или други инфекции, совет е да одите на лекар, а истото важи и ако едноставно сте загрижени за здравјето на детето.
