Знаејќи дека билошкиот часовник само што не отчукал, може да биде навистина застрашувачки за секоја жена. И вистина е дека бројот на јаце клетки со годините се намалува, а бременоста над 35 година доаѓа со некои дополнителни ризични компликации како хипертензија или дијабетес или хромозомски абнормалности. Поради тоа, секогаш добра идеја е да се посоветува со лекар за плановите за “градење“ семејство, за да бидете сигурни дека одлучувате за вистинскиот избор за својот живот и своето здравје.
Но, добра вест е дека се повеќе истражувања откриваат изненадувачки предности на повозрасните мајки – и за мајката и за бебето.
- Може да ја зголеми моќта на мозокот
Истражувањата покажуваат дека раѓањето деца подоцна во животот може да ве направи ментално поостри со возраста. Една студија објавена во списанието на Американското здружение за геријатрија, испитало 830 жени во средни години за да утврди дали постои врска помеѓу раѓањето дете во подоцнежна возраст и моќта на мозокот. Откриле дека жените кои го родиле своето последно дете по 35. година имале поостри сознанија и вербална меморија. Исто така откриле и дека жените кои го родиле своето прво дете по 24. година биле подобри во решавањето на проблемите од нивните врсници кои имале деца пред 24 години.
- Вашето дете може да има намален ризик од повреди
Секако дека ќе го заштитите вашето дете најдобро што можете, без оглед на вашата возраст. Но, неколку студии упатуваат на фактот дека детскиот ризик од ненамерни повреди кои бара медицинска помош, опаѓа со зголемување на возраста на мајката.
Едно истражување, посебно објавено во British Medical Journal, открило дека на возраст од три години, ризикот од ненамерна повреда се намалува за 36,6% за мајките на возраст од 20 години, до 28,6% за мајките на возраст од 40 години. Уште едно истражување од Јапонија, кое ги анализирало ризиците од ненамерни повреди и примање во болница на возраст од 18 и 66 месеци, според возраста на мајката, дошло до истиот заклучок.
- Можеби сте емоционално поподготвени
Постои несомнено чувство на зрелост што доаѓа заедно со возраста. (Само помислете колку сте се промениле од тинејџерските години!) Истражувањата сугерираат дека зрелоста игра улога во подобро родителство.
Во студија објавена во списанието European Journal of Development, холандските истражувачи го проучуваа психосоцијалниот развој на две групи деца на возраст од 7, 11 и 15 години. Во едната група биле мајки кои родиле по 31. година, а во втората група помлади од 31. Анализирајќи го нивниот психосоцијален развој, тие биле изненадени што постарите мајки поретко кажувале пцовки или физички го дисциплинирале своето дете.
“Севкупно, децата на постарите мајки се однесуваа подобро, беа добро социјализирани и беа емоционално здрави во своите тинејџерски години“, вели д-р Патрициа Салбер.
Вашето дете веројатно ќе биде подобро организирано
Колку подолго чекате за дете, толку е поголема веројатноста дека детето ќе порасне со разбирање на понапредни нивоа на технологијата.
“Децата на постарите родители имаат корист од образовниот, технолошкиот и општествениот напредок постигнат во доцните години на раѓање деца“, вели Камела Филипс,гинеколог од САД. “Шведска студија покажа дека кога ќе се земат предвид овие исчекори, децата на постарите родители имаат тенденција да бидат поздрави и пообразовани“.
- Можеби сте финансиски постабилни
Безброј студии ја поддржуваат теоријата дека здравствените резултати често се поврзани со тоа колку пари имате во банка. Ако имате можност да завршите факултет и да го инвестирате вашето време во развивање на вашата професионална кариера, има смисла само затоа што е поголема веројатноста да заработите поголема плата отколку мајка која имала дете пред да започне кариера.
“Студиите покажуваат дека децата на постарите мајки остануваат во образовниот систем подолго, работат подобро на стандардизирани тестови и имаат поголема веројатност да посетуваат факултет отколку нивните врсници од помлади мајки“, вели д-р Салбер. “Ефектот на подобрените исходи поврзани со социоекономскиот статус најверојатно ќе влијае на здравствените резултати на потомството во текот на нивниот живот“.
- Можеби ќе живеете подолго
“Некои мислат дека кога ќе добиете бебе во подоцни години од животот, нема да имате доволно енергија да го следите или уште полошо, нема да им бидете достапни за нивните важни животни настани како нивната свадба или раѓањето на нивните деца”. вели д-р Салбер. Но, истражувањата откриваат дека ова е далеку од вистината.
Всушност, една студија објавена во Menopause открила дека жените кои имаат деца по 33 години имаат двојно поголема веројатност да преживеат до 95 -годишна возраст отколку жените кои го имале своето последно дете пред 30. година. И тоа е нешто за што треба да се размисли!
