Воспоставувањето и градењето доверба со децата е важно за нивниот емоционален развој. За среќа, преку различни техники и навики, родителите можат да изградат основа за подлабока врска и меѓусебна доверба и почит.
Детскиот психолог Џејми Блох, ги открива начините на кои таа самата развива доверба со децата, односно укажува на знаците кои укажуваат дека довербата е воспоставена.
Еве кои показатели таа ги издвојува.
- Ве бараат или ви се обраќаат за утеха и поддршка кога се преплавени со емоции.
- Тие знаат дека можат да бидат ранливи со вас (ова вклучува и изливи на бес и споделување секакви чувства).
- Тие трчаат да ви покажат нови работи што ги научиле или за кои се возбудени.
- Тие ве бараат за игра и ве вклучуваат во нивните интереси.
- Без причина ја искажуваат својата љубов кон вас вербално, на пример, со тоа што ќе ви кажат: „Мамо/тато, те сакам“ или преку мали подароци како цвеќиња што ги береле или цртежи што ги направиле.
- Отворено зборуваат за своите грешки и ги споделуваат со вас.
“Во забрзноста и хаосот на секојдневното родителство, лесно е да се занемарат знаците дека вашите деца искрено ви веруваат. Довербата е основа на силна врска, а препознавањето на овие знаци може да помогне да се зајакне таа врска”, заклучува Блох.
