Многу деца од разни причини се плашат од темница. За ова може да има многу причини. Децата заради своето неискуство, имаат многу бујна фантазија и може да почнат да се плашат од темница. Сите се сеќаваме на чудните сенки и фигури кои се движат заради светлата која допира до собата. Поради ваквите работи, и возрасните најчесто не се чувствуваат пријатно, а не пак децата кога се сами во соба.
Што да направите ако ова е случај и со вашето дете?
Постојат неколку едноставни чекори кои може да ги превземете за да му помогнете на детето да не се плаши кога ќе падне ноќ и ќе дојде време за спиење.
- Заедно прошетајте по целата соба држејќи го детето за рака и проверете го заедно секој дел од собата. Погледнете под креветот, во плакарите и слично, за да му покажете на детето дека нема никој и дека нема од што да се плаши.
- Оставете ги вратите отворени и од детската и од спалната соба, за детето да не се чувствува само.
- Затворете ја вратата од плакарот во детската соба. Ќе се чувствува попријатно
- Ставете ноќна лампа во детската соба за да не им биде многу темно. Ќе им биде полесно да заспијат ако има слаба светлина.
- Дадете му ја омилената плишана играчка. На овој начин нема да се чувствува сам и ќе биде посигурен.
- Понекогаш шолја топло млеко им помага на децата полесно и побрзо да заспијат.
- Во некои случаи, тиква музика или приказна ќе им помогне да децата побрзо да заспијат
- Исто така може да помогне и кога на детето ќе му кажете дека изутрина ќе се видите. Така ќе се чувствува посигурно.
Постојат различни страегии како да му помогнете на детето да го преброди стравот од темница. Ова се само некои идеи како да му помогнете на детето полесно и помирно да спие, без да се разбуди во текот на ноќта.
