Децата на возраст од пет години впиваат како сунѓер и ја нема таа работа која нема да ја запомнат, ако им дадете до знаење дека треба да ја знаат. Ништо од ова, не се донесува на едукација, ниту развој, помагање, се однесува исклучиво за нивната безбедност.
Кои се тие информации?
Име, презиме и телефонските броеви на родителите
Не се очекува дете од пет години ќе биде само надвор, па ќе му требаат овие податоци, но како мерка на претпазливост, добро е децата што побрзо да го научат полното име и презиме на своите родители, бројот на телефон и адреса, а тие информации во некои ситуации може да му го спасат животот.
Број за итни случаи
Несреќата доаѓа ненајавена, па непроценливо е за безбедноста на целото семјество да знаете дека вашето дете ќе се снајде, доколку вие не сте тука и ќе повика итна помош или полиција. Дете на оваа возраст веќе разбора многу работи и секако би требало да му објасните што треба да направи во момент на евентуална несреќа.
Секогаш погледни во двата правци
Децата од пет години сигурно нема сами да одат во градинка или во продавница, но уште сега можете да им всадите соодветно однесување во сообраќајот. Каде и да појдете, инсистирајте на тоа детето да ве “води“ за да научи добро да погледне и десно и лево пред да ја помине улицата. Тоа се уште може да биде само игра, но ако гоо практикувате секој ден, вашето дете веќе на седум години ќе биде во состојба без страв да го помине патот со семафор и неколкуте ленти на пешачкиот премин.
Не е секој непознат, забранет странец
Не се сите странци лоши, но како да го научите детето да не зборува со непознати, акоо некогаш токму непознат човек може да биде единствениот кој што ќе му помогне?
И ние возрасните понекогаш се наоѓаме во ситуација кога ни е потребна итна помош, а во близина нема никој познат. И тогаш нормално прашувате странец за помош (насока/телефон). Затоа ни децата не смееме да ги плашиме со непознати луѓе, бидејќи што ќе се случи ако се изгубат? Кого ќе прашаат за помош, ако не непознат човек?
