Импетиго е гнојно воспаление на површинскиот слој на кожата, односно епидермисот. Може да го предизвика една од двете бактерии: стрептокока од групата А или стафилокока aureus. Иако болеста може да го зафати било кој дел од телото, најчесто се појавува на изложените делови на кожата. Болеста најчесто ги погодува децата, а на нејзиното настанување влијае средина со низок хигиенски стандард.
Така, кај децата најчесто се појавува на лицето, а особено околу носот и устата, како и на нозете и на рацете.
СИМПТОМИ
Благата форма на импетиго најчесто е предизвикана од стрептокока од групата А. Почетните симптоми се јавуваат во форма на мали мозолчиња. Тиее набрзо по избивањето пукаат, додека од нивната вантрешност излегува леплива кафена течност која на крајот се суши и се претвора во крста која ги прекрива заразените делови. Мозолчињата може да бидат многу мали или со големина на монета. За импетигото е својствено да се појави во делот околу ноздрите каде кожата станува црвена и надразнета со мали жолти красти. Обликот на импетиго што го предизвикува стафилока aureus, може да развие поголема количина на течност во мозолчињата, па тие подолго се задржуваат на кожата, без пукање.
Најдобар начин на превенција на оваа болест е беспрекорна лична хигиена. Заразата може да се пренесе преку пешкир или сапун што ги користел заболениот од импетиго, како и со телесен контакт или преку постелнина.
Заразените деца најчесто импетигото го пренесуваат со чешање од еден дел од телото на друг. Поради слични симптоми, т.е. ранички, импетигото лесно може да се замени со херпес. Но, импетигото се шири побрзо, никогаш не се појавува на усната шуплина и ретко се ограничува само на едно подрачје на телото.
