Многу често се случува, детето навечер да го легнете здраво, за следнот утро да се разбуди со црвено и гнојно око. Повеќето мајки почнуваат да паничат, но стручњаците велат дека, ова не е опасна состојба, но не е ниту грешка да се консултирате со вашиот педијатар или со специјалист за очни болести.
Зошто окото се зацрвенува?
Во лето најчесто се случува инфективен (бактериски или вирусен) конјуктивитис, кој децата го фаќаат преку валканите раце. Помеѓу капакот и очното јаболко се наоѓа спојница (конјуктива), која е преполна со мали крвни садови кои ги носат неопходните хранливи материи и кислород. Овие крвни садови и даваат на спојницата здрава, црвенкаста боја. Со оглед дека таа е прва на удар на бактерии и вируси, но и на прашина, таа се брани така што ги птоширува своите крвни садови, и окото се зацрвенува.
Понекогаш алергија, но и сонцето може да доведе до слични проблеми, но тогаш не се јавува исцедок, кој е придружник на инфекција на спојницата. И при настинка доаѓа до затнување на носот, што може да допринесе за појава на воспаление на спојницата и да се појави инфекција.
Како да препознаете конјуктивитис?
Дијагнозата лесно се поставува – окото е црвено, детето трепка, и од окото течат солзи. Помалите деца јавуваат и нервоза, неконтролирано трлање на очите, што ја влошува целата состојба. Чешањето и пецкањето на окото понекогаш се многу досадни, речиси неподносливи.
Зошто се се случило наутро?
Особено е драматично утрото, бидејќи инфекцијата почнала претходниот ден, а се развила во текот на ноќта, додека детето спиело. Окото може да биде затворено, капаците отечени – бидејќи инфекцијата многу често и лесно се шири на капакот. Често е присутен жолтеникав исцедок кој е всушност гној, кој е уште еден сведок на борбата на клетките на имунитетот со страни тела во организмот.
