Повеќето родители на прво дете се шокираат кога околу 14. месец, нивното бебе ќе одлучи дека не сака да носи облека! Прво што мора да знаете е дека тоа не е ништо невообичаено, туку е дел од растењето.
Не се возбудувајте премногу и не инсистирајте бебето секогаш да биде облечено. Добро е кога би можеле да поставите граници кога бебето може, а кога не може да ја соблече облеката. Еднаш кога ќе се постават цврсти граници, спроведувајте ги тие правила. Можеби ќе ви дојде да викнете на бебето, но наместо тоа, секој пат кога бебето ќе го прекрши правилото и ќе почне да се соблекува, повторно облечете го. Бебињата не се глупави и наскоро ќе ја сфатат пораката. Не заборавајте дека бебињата се одлични манипулатори!
Кога детето поминало доволно време голо, добар начин да го наведете да се облече, е да му дозволите само да си ја избере облеката. Повеќето бебиња сакаат ваква игра.
Соблекувањето и облекувањето се рани знаци за детската независност, па ако вашето дете ја соблече чорапата, или маицата, оставете го бидејќи така ужива во новостекната моторичка вештина.
Децата треба да истражуваат, бидејќи така се развиваат, па со малку внимание, наместо казнување на детето ако се соблекува, тоа ќе сфати дека соблекувањето во јавност не е во ред, а ова е многу подобро отколку постојано да му велите како тоа не смее да го прави.
Детето на оваа возраст го истражува светот околу себе. Подучувајте го добро и ќе ви биде многу полесно во иднина.
