Мажите денес сепак многу повеќе учествуваат во одгледувањето на децата и им помагаат на своите сопруги во домаќинството, но сепак сето она што спаѓа домаќинство, емоционално здравје на децата и натаму е обврска која и припаѓа првенствено на жената, без разлика дали се вработени или не.
Со сите тие обврски кои ги има кон семејството, постојаната грижа штети на менталното здравје на мајката, покажало американско истражување чии резултати неодамна се објавени.
Научниците таа емоционална посветеност на мајките кон децата ја нарекле “невидлива работа“, за да можеле да измерат колку и на кој начин постојаната грижа за семјеството влијае на здравјето на жената.
Тие откриле дека “невидливата работа“ е поврзана со чувството на преоптовареност и празнина во секојдневниот живот на жената.
Во истражувањето учествувале 393 жени од средна класа со деца помлади од 18 години. Од нив, 90% рекле дека исклучиво тие го организираат семејниот живот, а 80% од нив води грижа за училишните обврски на децата, комуникацијата со наставниците и професорите, слободните активности, додека две третини чувствуваат дека само тие, а не и татковците, ги исполнуваат емоционалните потреби на децата.
Накратко, американската студија покажала дека жените на многу начини и натаму се главен и одговорен родител, дури и ако се вработени со полно работно време.
“Благодарение на мажите, денешните жени помалку мораат да работат домашни работи, како чистење или перење на алишта, но и натаму се во целост одговорни за функционирањето на домаќинството“, велат истражувачите.
Исто така, истражувањето покажало дека мајката е првата личност која е одговорна за проблемите на децата.
“Знае да биде застрашувачки тоа што самите донесувате одлуки, што би можеле да ги влоши, а не да ги подобри работите кои се поврзани со среќата на децата. Токму таа невидлива работа чија цел е добробит на децата директно е поврзана со стресот, а последично со незадоволството во бракот и генерално со животот“, стои во заклучокот од студијата.
