Една од главните пресвртници за родителите е моментот кога бебето ќе почне да јаде цврста храна. Сепак, дали сте свесни за сие опасности кои ги носи оваа фаза во исхраната на децата?
На децата треба да им се дозволи да ја истражуваат храната, но притоа треба да имате на ум дека постојат намирници кои треба да се избегнуваат, додека детето не наполни барем една година.
- МЕД
Медот треба да се избегнува оти може да развие ботулизам. Ботулизамот е ретка, но тешка болест која ја предизвикува анаеробната бактерија Clostridium botulinum, која создава спори и токсични отрови, а последиците за бебе помало од 12 месеци се сериозни.
- ПУТЕР ОД КИКИРИКИ
Овој производ може да предизвика сериозни алергиски реакции. Освен алергија, путерот од кикирики е исклучително опасен, оти е густа леплива материја која може да предизвика гушење.
- СОЛ
Бебињата не треба да јадат солена храна. Бубрезите на едногодишно дете не е се доволно развиени за да можат да се носат со голема количина натриум, па е важно да се избегнува додавње на сол во храната.
- ЧОКОЛАДО
Секое бебе би сакало да проба парче чоколадо. Иако мислите дека тоа не е лоша идеја, сетете се дека во чоколадото има кофеин и млеко, што на деца помали од една година им е тешко да го сварат.
- ПУКАНКИ
Иако е вкусна и здрава грицка, постои сериозна опасност од гушење. Никогаш не давајте пуканки на деца помали од една година.
- ТВРДИ БОМБОНИ
Бомбони, како и лижавчиња најдобро е да се избегнуваат додека детето не биде доволно големо само да ги мие забите.
