Психолозите сметаат дека ограничувањата му овозможуваат на детето чувство на сигурност и заштитеност. Но, одредени ограничувања може да го направат токму спротивното: да предизвикаат чувство на несигурност и да го забават развојот на детето.
Еве што никогаш не смеете да им ограничите на децата:
- Плачење
Децата чувствуваат многу повеќе од возрасните. Немојте на детето да му забраните да плаче и не срамете го поради солзите. Помогнете му да сфати зошто плаче и заедно пронајдете најдобар начин да се научи со тоа да се носи.
- Поставување прашања
Детето расте и учи за светот, поставувајќи се повеќе и повеќе прашања. На родителите понекогаш може да им биде тешко да пронајдат одговори за сите прашања, особено кога се уморни. Но, квалитетното време кое ќе го минете со своите деца, помага во развојот и создава цврста врска помеѓу вас и детето.
- Дозволете му на детето да каже “НЕ“
Ако му забраните да каже “не“, всушност ги кршите детските граници. Наместо тоа, обидете се да пронајдете компромис или да му објасните дека понекогаш мора да прави нешто што не сака.
- Џагор
Не му ја расипувајте секоја забава на детето. Нека пее и скока. Всушност, ова е единствен период од животот кога е слободно да се однесува како што сака.
- Тајни
Колку се децата постари, толку повеќе ќе им треба приватност. Треба да знаете што се случува во нивните животи, но внимавајте да не го загрозите нивното право на приватност. Вашата доверба е непроценлива.
- Лутина или љубомора
Детето има право на негативни чувства. Запомнете дека нивната волја се уште не е силна и тешко се контролираат. Не смеат да помислат дека е во ред да изразуваат само позитивни чувства.
- Право на грешки
Некој не сака грешки, но уште е полошо кога детето се плаши да погреши. Никогаш нема да се охрабри да испроба нешто ново, ако се плаши да погреши.
